في قديم الزمان حيث لم يكن على الارض بشر كانت الفضائل و الرذائل تطوف العالم معاً و تشعر بالملل الشديد ذات يوم كحل لمشكلة الملل المستعصية اقترح الابداع لعبة و اسماها الاستغماية او الغميضة احب الجميع اللعبة و بدأ الجميع بالصراخ أنا أبدأ.. أنا أبدأ

قال الجنون : أنا من سيغمض عينية و يبدأ العد انتم عليكم الاختباء ثم اتكأ بمرفقية على الشجرة و بدأ العد واحد , اثنان , ثلاثة , ....الخ

و بدأت الفضائل و الرذائل بالاختباء وجدت الرقة مكانا لنفسها فوق القمرو اخفت الخيانة نفسها في كومة زبالة و ذهب الولع بين الغيوم و مضى الشوق إلى باطن الأرض

قال الكذب بصوت عال : سأخفي نفسي تحت الحجارة ثم توجة لقعر البحيرة و استمر الجنون : تسعة و سبعون , ثمانون , واحد و ثمانون خلال ذلك اتمت الفضائل و الرذائل تختبأ ما عادا الحب كعادتة لم يكن صاحب قرار و بالتالي لم يقرر أين يختبئ وهذا غير مفاجئ لأحد فنحن نعلم كم هو صعب إخفاء الحب


تابع الجنون : سبعة وتسعون , ثمانية وتسعون و عندما وصل تعداد الجنون الى : المائة قفز الحب في وسط أجمة من الورود و اختفى بداخلها فتح الجنون عينية و بدأ البحث صائحاً و هو يقول : إني آتٍ إليكم أنا آتٍ إليكم كان الكسل أول من انكشف لأنه لم يبذل أي جهد في إخفاء نفسة ثم اظهرت الرقة المختفية في القمر و بعدها أخرج الكذب نفسه من البحيرة مقطوع النفس و أشار الجنون على الشوق أن يرجع من باطن الارض وجدهم الجنون جميعهم واحداً بعد الآخر ما عدا الحب ؟؟؟ كاد يصاب باليأس و الإحباط في بحثه عن الحب و اقترب الحسد من الجنون حين اقترب الحسد من الجنون همس في اذنه و قال له : الحب مختفي في شجيرة الورود


إلتقط الجنون شوكة خشبية أشبه بالرمح و بدأ بطعن شجيرة الورود بشكل طائش و لم يتوقف إلا عندما سمع صوت بكاء يمزق القلوب ظهر الحب من تحت شجيرة الورود و هو يحجب عينية بيدية و الدماء تقطر من بين أصابعه صاح الجنون نادماً : ماذا فعلت بك ؟؟؟ لقد افقدتك بصرك ماذا افعل كي أصحح غلطتي بعد أن أفقدتك بصرك ؟؟؟

أجابه الحب : لن تستطيع إعادة النظر لي , لكن لازال هناك ما تستطيع فعله لأجلي.. (( كن دليلي )).. و هذا ما حصل من يومها يمضي الحب الاعمى يقودة الجنون و لهذا عندما نحب أحداً نقول له: أحـبـــــك بجنـــون..


(هذه القصة للشاعر سلطان الرواد كتبها عام 2001 و حازت على جائزة افضل قصة قصيرة على مستوى جامعات الخليج العربي)

السلام عليكم ورحمة الله وبركاته
~~~~~~~~~~~~~~~~
امبارح كنا مسافرين سفرية فسحة

بس إيه بقى كانت فسحة عسسسسسسسسسسل لزقت فيها أوي أصدي اتبسطت فيها أوي لإنه حصلت طفــــــــــــرة انا وبسمة قلنا لماما وبابا عايزين إيمان صاحبتنا الفلسطينية تيجي معانا في السفرية دي قالولنا ماشي وماله بس دلوقتي المشكلة في مامتها وباباها هي ..اللي عاملين لها حظر تجول.. ماما راحت تكلم مامتها عشان تقنعها واحنا بقى إيه إيدينا على قلوبنا.. الغريب بقى إن مامتها وافقت وبدون أي مناقشات الدور والباقي بقى على باباها
راحت مامتها تقوله عالحكاية وتسأله راح رادد عليها اه مع بسمة وشيماء خلاص تروح طبعا عادي.. (إحم إحم .. ثقة إحنا) المهم إحنا التلاتة كنا هنطيييييييييييير من الفرحة..

صحينا الصبح تاني يوم لبسنا واتجهزنا وعدينا على إيمان اخدناها وكان معانا عيلتين تانيين إصحابنا

البلد دي بينا وبينها ساعة ونص قبل مانوصل هناك في عالطريق قلعة كبيرة من أيام زمان كانت بتاعة الأتراك وكدا أخدنا فيها جولة ممتعة جدا ومشينا في القرية بقى نفسها اللي كانوا الناس العاديين عايشين فيها كانت اه مرعبة شوية عشان البيوت قديمة أوي ومكسرة ومليانة حفر بس بصراحة كانت مغامرة جميلة

مشينا بقى وصلنا البلد أول ماوصلنا طبعا الأكل قبل كل شيء كنا هنموت من الجوع روحنا مطعم اتغدينا هناك بعد كدا بقى روحنا المــــــــــــلاهي .. أول حاجة عملناها روحنا صلينا الظهر والعصر بعد كدا بقى قعدت أنا وبسمة وإيمان شوية ع النجيلة نتكلم ونضحك بعد كدا يادوب بابا جابلنا التذاكر الأستاذة إيمان كانت مصدعة ومش قادرة تقوم ووحدة صاحبة ماما هي صاحبتي بردو من العيلتين اللي معانا نادتني عشان أعملها شوية حاجات في اللاب توب بتاعها طبعا مقدرش أزعل طنط وأقولها لأ أولا لإنها أكبر مني ثانيا لإن طنط دي غالية عليا أوي



راحت النصابة أصدي الأستاذة بسمة قالت خلاص عقبال ما إيمان ترتاح وانتي تخلصي من اللي وراكي أروح ألّعب نونا.. (أختنا الصغيرة) وارجع نلعب احنا قلنالها ماشي

راحت اخده التذاكر كلها لعبت بيها لوحدها.. واااااااااء شفتوا بقى

رحنا قلنالها مالناش دعوة احنا عايزين تذاكر راحت جابت 3 تذاكر بس لعبنا بيهم لعبة وحدة اللي هي السفينة اللي بتطير في الهوا دي كانت راكبة معانا طنط التانية .. طنط دي بقى سكر بتعاملنا زي مانكون صاخبتنا ومن سننا قالتلنا هركب معاكوا عشان متخافوش

ركبنا اشتغلت اللعبة في الأول هادية ومفيش مشاكل بعد كدا بقت سريعة بشكل بقت تطلع فووووووووووووووووووووووق وتنزل مرة وحدة وأنا وبسمة اشتغلنا صويت غصب عننا إيمان بقى فضلت متنحة وساكتة المشكلة بقى ان اللعبة مكنش فيها حد غيري انا وبسمة وايمان وطنط وبنتين صغننين يعني انا وبسمة كان صوتنا واضح طنط تقولنا امسكوا جامد واسكتوا بس والله مقدرناش بقيت حاسة ان الصويت بيطلع من نفسه وبقيت بقى وانا في عز الصويت والعياط أبص عالراجل اللي بيشغلها وأقول.. هتروح فين من ربنا ياماااااااااااااااااان..؟؟ بسمة بقى في عز الخوف كانت هتموت عليا من الضحك

فضلوا بقى طول الوقت يعايروني ويقولولي.. هتروح فين من ربنا يا ماااااان.. وانا اقولهم اسكتوا وهما ولا هما هنا

بعد كدا نزلنا دايخين ماشيين نخبط في بعض.. قعدنا ارتحنا شوية كان العشا أذن صلينا بعدها قعدنا نحكي ونصور ومشينا بعد كدا من الملاهي.. مع اني والله كان نفسي ألعب العربيات لإني بموت فيها اللعبة دي بس يلا الله يسامحك يابسمة

طبعا المشوار لايخلو من الســــــــــوق.. بكرهه بشكل البتاع دا اكتر حاجه أكرهها لما يقولوا رايحين السوق سواءً في البلد دي أو في أي حتة تانية.. خلصوا تسوق بعد كدا بقى حصل معايا موقف وحش ويكسف .. بابا كان نازل وسايبنا احنا في العربية كان راكنها قدام محلات انا كنت فاتحة الشباك اللي جنبي وحاطة شنطتي على حجري وسايباها مفتوحة وحاطه فيها إيييييييييه.. موبايلي راح أخويا المصون مد إيده في الشنطة وأخده وطلع يجري انا مكنتش أخده بالي لاني كنت منهمكة في الحديث مع بسمة وإيمان حسيت إن في حركة بصيت لقيته ماسكه وطالع يجري وبيضحك رحت بكل تلقائية .. يامامااااااااااااااااااااا إلحقي أخد موبايلي هاته وماده إيدي بقى برة الشباك وعمالة أزعق هات الموباااااااااااااااااااااااااااااااايل لقيت الناس كلها عمالة تبص عليا كله ساب اللي في إيده وقعد يبصلي ..(من حقهم بصراحة يعني لابسة عباية ونقاب وعمالة أزعق في الشارع غريبة ووحشة يعني) المهم راح رجعهولي.. أنا ايه اللي خلاني أعمل دا كله ... أصل الموبايل جديد لسه شارياه من إسبوع وبعدين نوعه (إن 95) جبته بدم قلبي فكان من حقي أخاف عليه أوي خاصة إن المكان كان مليان ناس يعني كان معرض للسرقة بس بقى بعدها حسيت بإحراج شديد..

بعد كدا الحمد لله مشينا بعد يوم طويل من التعب والإرهاق والمتعة إتمنينا لوتكون معانا صاحبتنا حبيبتنا رانيا وفاطمة بس الحمد لله
وصورت هناك شوية صور دول اتنين منهم






ملحــــــــوظة: إيمان ..(المذكورة آنفاً) حلوة المذكورة آنفا دي ..طلعت شاطرة وبعرف أكتب وأنا مش عارفه.. المهم ايمان صاحبتنا

عملت مدونة لسا عاملاها جديد اللي حابب يروح يزورها دا الرابط .. ياريت يعني تزوروها عشان ترفعوا من معنوياتها


http://leetalzamanyarg3.blogspot.com/


واسفة على الكلام الكتير اللي مالهوش لزمة دا .. بس الرغي بقى لما ينقح..

حصن من ذهب..

السلا م عليكم ورحمة الله وبركاته

~~~~~~~~~~~~~~~~


انهردة كنت أنا وبسمة خارجين عند وحدة صحبتنا المهم بابا جه أخدنا من عندها الساعة 11 تقريباً (جه متأخر عشان كان عنده شغل أنا بوضح السبب عشان متقولوش علينا ساطين برة البيت في أنصاص الليالي)

المهم بابا راح السوق قالنا في شوية حاجات هشتريها استنوني عقبال ما أرجع أنا وبسمة كنا قاعدين في العربية مستنينه شفت البنات والستات ماشيين في الأسواق للساعة 11 بليل ادايقت يعني السوق واللف والدوران اللي عالفاضي للساعة 11 بليل محبكش يعني وكمان ماشيين لوحدهم من غير حد يحميهم واللي دايقني أكتر بقى مناظرهم وطريقة لبسهم للعباية والنقاب العباية اللي هي زي الإسدال ديقة ومحدده هيأتهم بطريقة فظيعة وغير كدا كلها زخرفة وترتر واللي أدهى من كدا فتحة النقاب واسعة بشكل وميك أب كااااااااااامل على عينها كحل بقى ومسكرة و آي شادو وعشان تكمل بقى الليلة لابسة كعب ماشية تتمخطر بيه تك ..تك كإنها ماشية تقول للناس بصولي..



بجد بجد أدايقت يعني إنتي المفروض لابسة العباية السودة دي والنقاب عشان تستري وتصوني نفسك مش عشان تعرضي نفسك للذئاب البشرية .. خاصة كمان إنك نازلة السوق اللي الرسول صلى الله عليه وسلم قال عنه شر بقاع الأرض.. فبما إن الحاجة اضطرتك إنك تنزلي السوق ومن غير محرم خلاص إحمي نفسك بالسبل المتاحة ليكي.. لكن بالله اللي نازلة بالمنظر الدنيء دا اللي بتشوه بيه سمعة الحجاب والمحجبين نازلة كدا ليه عشان تصون دينها وتصون نفسها لا والله دي نازلة ونيتها تلفت نظر دا وتفتن دا.. والشباب غصب عنهم بيبصوا يعني واحدة ماشية بايعة نفسها بالشكل دا ليه ميعاكسهاش وميحترمهاش هي تستاهل بصراحة أنا مبلومش الشاب في الحكاية دي..



وإعتراضي مش على دول بس .. شوف بنات مصر بقى أنا لما بنزل الشارع هناك ببقى ماشية مندهشة من مناظر البنات في الشوارع تبقى الواحدة فيهم لابسمة بنطلون مش عارفه بصراحة أوصفه إزاي واللي بيموتني من الضحك اللي لابسة (برمودا.. آنتي بنطولون .. جيبة قصيرة وبوت...) وتروح مغطية شعرها بــ (حتة) طرحة مش طرحة كاملة ودي بقى مسميه نفسها محجبة أنا مش عارفه هي لابسة الحجاب ليه؟؟ ولا أقولكو أنا عارفة ليه.. لإن شعرها بيكون وحش ..ههههههههههههههههه _والله شر البلية مايضحك_



أنا بس حبيت أوضح من الموضوع دا كله مفهوم الحجاب الصح اللي ربنا أمرنا بيه



ربنا سبحانه وتعالى قال في كتابه :((يا أيها النبي قل لأزواجك وبناتك ونساّء المؤمنين يدنين عليهن من جلابيبهن ذلك أدنى أن يعرفن فلا يؤذين وكـــان الله غفوراً رحــيماً )). الأحزاب59.

يعني ربنا قال :(( لأزواجك وبناتك ونساّء المؤمنين)) أظن بنات المسلمين اللي هو إحنا


وقال:(( ذلك أدنى أن يعرفن فلا يؤذين)) يعني ربنا سبحانه وتعالى مش مستفيد حاجة إحنا اللي مستفيدين إحنا اللي مش هنتأذي

والأمر في الآية واضح:((يدنين عليهن من جلابيبهن)) يعني: يرخين ويسدلن عليهن مايسستترن به كالملاءة.


*******************************


شروط الحجاب الشرعي:

~~~~~~~~~~~~

* أن يكون ساتراً لجميــع الجسم.

* أن لايكون زينة في نفسه أو يكون فيه زينة من رسوم وزخارف وكتابات.

* أن يكون سميكاً غير شفاف فلا يظهر ماتحته.

* أن يكون واسعاً فضفاضاً فلا يبدي تقاطيع الجسم.

* أن لا يكون مشايهاً لملابس الرجال.

* أن لايكون مشابهاً لملابس الكافرات.

* أن لا تكون الملابس معطرة إذا كانت ستمر برجال.







ومش عايزة أكتر في الكلام أظن الآية كفت ووفت..


وفي النهاية اسأل المولى عز وجل أن يهدي فتيات المسلمين ويصلح شأنهم ولايجعلهم فتنة.. اللهم آآآآآآآآآآآآآآآآمين
_______________________________

We`re Back..

السلام عليكم ورحمة الله وبركاته

ازيكوا ياجماعة عاملين إيه وحشتوني والله ووحشتني مدوناتكم

الحمد لله رجعت تاني بعد إسبوعين إرهاق وتعب من الإمتحانات

محصلش حاجة مميزة معايا في الأسبوعين دول

كان روتين حياتي عادي جداً سهر طول الليل مذاكرة ونوم 4 ساعات في النهار وخلاص

أخدت النتيجة انهردة ترتيبي التانية للأسف بنسبة 98% وتقدير ممتاز هي اه الحمد لله كويسة

بس اللي زعلني إن مش هو دا مستوايا الحقيقي يعني دايماً بكون أحسن من كدا

بس الحمد لله على كل حال

وبشكر كل اللي دعالي أنا وبسمة وكل اللي علقولي في البوست اللي فات

وإن شاء الله هبدأ بقى بالتدوين في الأيام المقبلة.. انتظروني