دمعة من قلب طفلة..




عادت من مدرستها تحمل حقيبة كتبها على ظهرها خصلات شعرها تتطاير على وجهها الطفولي البريء تركض مسرعة نحو والدتها لتقبلها اقتربت منها فوجدتها حزينة ودموعها على خديها تبكي بحرقة تكاد الدموع تحفر وجنتيه ترتدي ثوباً أسود نظرت إلى أمها نظرة استغراب ودهشة فهي لم تراها بهذا الحال من قبل. لكنها قبلتها ثم قال لها والدها اذهبي بنيتي لكي تغيري ثيابك ذهبت لتغير زي المدرسة وسألت أختها التي تكبرها بسنتين "ما بها أمي لماذا ترتدي ثوباً أسود وتبكي هكذا؟؟!!" قالت لها: ( لا أعرف أنا أيضاً مستغربة من حال أمي) أتت إليهم جارتهم فهي كانت كأم حقيقية لهم، وضعت لهم طعام الغداء ثم ذهبت وجلست بجانب والدتهم، تناول الأبناء الطعام وهم في غاية الألم لحال أمهم، سألوا "ما بها والدتنا؟ لماذا تبكي بشدة هكذا؟!" ردت عليهم قائلة: هناك صديقة لها ماتت. ذهبت الأختان وهما حزينتان لحال أمهما، قالت الصغيرة لأختها: "مسكينة ماما لو كنت أعرف صاحبتها دي كنت عيطت معاها بس أنا مش عارفاها" قالت أختها الكبرى" وأنا أيضاً، ثم ذهبتا تلعبان في فناء المنزل ظلتا هكذا طوال اليوم أمها تبكي والناس تأتي لتواسيها وجارتهم تستقبلهم ووالدها يخيم عليه الحزن، لم تكن الطفلتان تعرفان أن هذا عزاءً فهما لم يروا هذه الطقوس من قبل، جاء وقت صلاة العشاء رحل النساء من عند والدتها وكان عند والدها رجال وشيخ يقرأ القرآن بصوت عذب جميل رحل الجميع وبقيت جارتهم مع أمهم، جلست البنتان عند والدهما يلحون عليه من هذه صديقة أمهم التي ماتت؟؟ قال لهم " وحدة اسمها منى" استغربتا فهذه أول مرة تسمعان عن صديقة لأمهم اسمها "منى" ولكنهما لم تسكتا "من هذه منى يا أبي من هذه؟؟" لم يرد عليهم، ذهبت الصغيرة لتلعب بالخارج وظلت الكبرى مع والدها أخبر الوالد ابنته الكبرى من هي "منى" التي ماتت، دخلت الصغيرة عليهم فوجدت أختها تواري دمعاتها فتساءلت أبي ماذا هناك؟ لماذا تبكي أختي؟.... قالا لها: سنخبرك ولكن عدينا بأن لا تبكي قالت: أخبروني ماذا هناك؟ قالا: أتعديننا أن لا تنزلي ولو دمعة واحدة؟؟، قالت: "أوعدك يا بابا مش هعيط خالص"، قال لها أمكِ تبكي وترتدي السواد لأن "منى" التي ماتت هي خالتك، عندما سمعت الطفلة كلمات والدها أجهشت بالبكاء ولم تستطع أن تسكت، قال لها والدها أنتي قد وعدتني بأن لا تبكي، قالت : نعم ولكن لا أستطيع أن اسكت، أخذت الأخت الكبرى أختها في حضنها وظلتا تبكيان معاً بكاءً يقطع القلوب، فقد كانت خالتهم تلك تحبهم حباً جما وتحن عليهم كأنها والدتهم لا تذهب إلى مكان إلا وتأخذهما معها وتشتي لهما كل ما تشتهيان، بقيت الطفلتان تبكيان هكذا إلى أن جاءت جارتهم وأخذتهم إلى منزلها عند ابنتها التي هي بمثابة أختٍ لهم، بدأت تلعب معهم حتى تنسيا حزنهما ولكن هيهات...، دقت الساعة معلنةً انتصاف الليل عادت الطفلتان إلى منزلهما الذي يخيم على أجواءه الحزن والبكاء، ونامتا ليلة من أصعب ليالي حياتهما.
كانت هذه حكايتي أنا وأختي الكبرى عندما سمعنا خبر وفاة خالتنا، كنت أنا أبلغ من العمر سبع سنوات وأختي تسع سنوات.
رحمك الله خالتي الحبيبة وجعل قبرك روضة من رياض الجنة وجمعنا بك في الفردوس مع النبيين والصديقين والشهداء.. اللهم آمين.

في البداية حابه انبه ان التعليقات (للي هيعلق يعني) مش تحت البوست لا أول البوست عاليمين على شكل بتاعة محادثة كدا لونها بمبي
************
أمقتهــــــــا..
أمقتها.. حتى سيرتها.. أمقتها..
أمقتها.. وأمقت صوتهــــــــا..
أمقتها.. وأمقت رؤيتـــــــهـا..

عندما تأتي تهدم عليّ جميع لذاتي.. فأنا أسميها "هادمة اللذات ومفرقة الجماعات"..
نجلس معاً كأسرة واحدة فرحين مسرورين فتصدر أمي أمراً لأختي الكبرى
((بسمة)) بأن تأتي بها فيصيبني الغم والهم فأنها أكرهها بشدة ثم نقوم جميعاً من مجلسنا لأن أختي أتت بها..
عندما أكون نائمة تــــأتـــي بها أختي أيضــــاً فهي مكتوبة عليها فتوقظني بصوتها المزعج المقيت..
هـــــي ليست عندنا نحن فقط.. لا.. بل هي عند كل الناس لا يخلو بيت منها..
إنهـــــــا مكنستنا الكهربائية .. يا لا بشاعة صوتها.. أكرهه لدرجة لا أستطيع وصفها في كلمات..
اللهم ارحمني من هذا الصوت البغيض المقيت.. وارزقنا بمكنسة من غير صوت..
راودتني هذه الفكرة اليوم.. لأني كنت نائمة نومة رائعة فشغلت أختي المكنسة عند باب الغرفة فنهضت من سريري
فزعة قائلة:
(( ياااااااااااااااااااربي.. بكــــــــــــــره المكنسة))

*********************

أنا وبابا بنكره المكنسة وصوتها كره العمى وياسلام بقى لما بابا يرجع بليل من الشغل تعبان تروح بسمة مشغلة المكنسة في المكان اللي هو قاعد فيه يروح شاخط فيها الشخطة من هنا تروح هي مختفية بالمكنسة من قدامنا من هنا
وبسمة بقى ايه بعيد عنكو مخلصة أوي في شغلها طول النهار ماسكة المكنسة ودايرة بيها في البيت عاملة زي عامل النظافة هههههههههههههههه واللي غايزني أوي وهيشلني أن بسمة بتحب المكنسة دي وبتموت فيها كمان
بس بس خليني اسكت احسن تضربني..


شيــــــماء..
ومعنــــاه.. ذات الأخلاق الحسنة.. والشيم الفضيلة..
اسم رائـــــع وصاحبته أروع..

شيــــماء..
ذات القلب الأبيض الطيب الذي لا يعرف الخبث والمكر..

شيـــــماء..
ذات القلب الحنون الذي لا يعرف القسوة والحقد على أحد..

شيمــــاء..
ذات النظرة الطيبة البريئة التي تحمل أسمى معاني الصدق والإخلاص..

شيـــــماء..
التي لن تستطيع أحرفي وصف ما فيها من جمال وحب وصفـــاء

شيمـــاء..
صديقتي الغالية كم أحبك وأحمل لكِ من مشاعر صادقة في قلبي..
نعــــم.. لم أركِ إلى الآن..
ولكن.. حتماً سيأتي اليوم الذي أراكِ وأجلس فيه معكِ حبيبتي..

محبـ♥ـتكِ.. الشيــماء♥
******************
الخاطرة دي لوحدة صاحبتي اسمها شيماء نفس اسمي هي اكبر مني بتسع سنين بس صاحبتي اوي اوي
بتعتبرني قدها وبتجكيلي عن كل حاجة تخصها وانا كمان انا مشوفتهاش لغاية دلوقتي بس السنة دي بإذن الله هشوفها لما أنزل مصر في الأجازة ربنا يخليهالي يارب وميحرمنيش منها ابداً


كنت جالسة أتأمل صفحة البحر..
وفجأة..
وأثناء تأملي العميق جاءت موجة فشقت صفحة البحر وأنا أتأملها
فقلت لها: ياموجة ياغلسة ليه شقيتي صفحة البحر وأنا بتأملها أنا زعلانة ووالله ما أنا متأملة حاجة عشان ترترتاحي..
وتشقي صفح زي ما انتي عايزة..

---------------------------

(( الخاطرة دي ألفتها السنة اللي فاتت كانت بسمة قاعدة تألف خاطرة وتقرالي فأنا ألفت دي اشمعنا أنا يعني ناقصة حاجة ألفتها وأنا نايمة عالسرير باليل وقعدت أتريق على بسمة وقتها مكانش ليا في موضوع الكتابة ولا الحاجات دي خالص))
و"ترترتاحي" كتبتها كدا ساعتها وبسمة ماتت عليها من الضحك عشان الطريقة اللي كتبتها بيها..

بس إيه رأيكوا في دمي ثكر وعثل وقسطة وهاتوا رغيفين وتعالوا كلوا..
ههههههههههههه





السلام عليكم ورحمة الله وبركاته
********************

أنا النهاردة كنت غايبة من المدرسة لأني كنت عيانة
فصحباتي حبايبي انتيمي منال وفاطمة "منال سعودية وفاطمة مصرية بس طبعاً مفيش فرق بينهم" ربنا يخليهم ليا يارب بعتولي ورقة مع بسمة كاتبينلي فيها كلام موتني من الضحك هوا هيكون عادي بالنسبة لأي حد يقراه بس بالنسبالي أنا مش عادي خالص لأنه طالع من قلبهم بجد
مقعدوش يزبطوا فيه ويختاروا كلام مثلا عشان تكون كخاطرة لأ هما كتبوه كإنهم بيكلموني..


((
بسم الله الرحمن الرحيم..
لا يجوز.. لا يجوز.. لا يجوز..
ياشوشو هانم "مدليه"
وجعه.. وجعه.. وجعه.. توجع عدوك
وتف... تف.. تف.. تفداك روحي
وإنشاء الله ماتكونين غايبة علشانك تعبانه ياروحي ياروحي (قلب)
وانشالله تموتين
تموتين تموتين تموتين تموتين
تموتين تموتين تموتين
فينــــــــــــــــا

ياشوشو لا تنسينا ياحبيبتي إحنا اخواتك وأصحابك وحبيبك>>> واثقات
وأختك فاطمه بتسلم عليكي من الصعيد الجواني
وأخوك محمد عايز يروح الجيش
وأمك عيانه >>>لا قدر الله
A – F -M
وأخوك أحمد جنني يابت إشتغلي كويس وإرجعي للكَفْر ياحبيبتي اصلهم كلهم واحشينك صح يابنتب وماتنسيش اللي وصيناك عليهم يابت انتبهي على روحك من الناس الناس مبترحمش))

الجزء الأخير دا كاتبينه كتقليد للكلام اللي بيتقال في المسلسلات الصعيدية

*********************
انتو هتقولوا البوست تافه مالهوش لزمة بس بالنسبالي أنا مهم وحطيته هنا لاني زي ماقلت قبل كدا المدونة بتاعتي دفتر مذكراتي ..

على فكرة "السنيورة" اللي بتعلقلي دي هي منال صاحبتي..

شوشو هانم


أولا بشكر كل اللي متابعني وبيزوروني عارفة والله إني مقصرة بس المذاكرة والله معنديش وقت وكمان لسا محطيتش قائمة المدونات بس وعد مني هتابعكوا بإذن الله وارجع أزوركوا تاني بس افضى شويه وبشكر كمان كل اللي علقولي عالبوست اللي فات

~~~~~~~~~~~~~~~~~~~~

التاج دا جالي من بسمة أنور وجودي هما الاتنين قالولي في نفس اليوم بس بسمة قالتلي عالميل قبل جودي
بس بشكرهم هما الاتنين كفاية افتكروني

اسيبكوا مع التاج وإجاباتي اللذيذة العسولة



اسمك؟
الشيماء صلاح


المشهورة بيه وسط اصحابك؟
شيما اللئيمه..(للأسف)


سنك؟
15سنة و 5 شهور و5 أيام.. (مميزة في كل حاجه ياناس)


اسم مدونتك؟
"شــــوشــــو هانـــــم"


مجال دراستك؟
أولى ثانوي


الصورة الرمزية لمدونتك بتعبر عن إيه؟
أنا بحبها أوي صورة الطفلة دي .. وحاساها بتعبر عن شخصيتي


هل فكرت في اغلاق مدونتك والسبب؟
اه فكرت.. كنت وقتها حاسة اني فاشلة ومبعرفش اكتب حاجه خالص وكنت مكتئبة


ايه ردة فعلك لو حد قل ادبه عليك في تعليق؟
لو التعليق قليل الأدب خالص مثلا في كلام مش محترم همسحه لاني محبش مدونتي يكون فيها حاجه مش كويسه
لو مثلا بشتمني وحاساه متغاز هرد عليه ببرود وهقوله الله يسامحك


اسوأ مدونة؟
مدونة "بسمتي" بتاعة بسمة أنور.. هههههههههههههههههههه
بغلس يابت بسمه متزعليش
مفيش ولا مدونة وحشة صادفتها لغاية دلوقتي الحمد لله



هيحصل ايه للإيميل بتاعك بعد ماتموت؟
أولا اللهم اجعل اخر كلامي في الدنيا "لا إله إلا الله"
إيميلي هيموت معايا لان عامة محدش بيسأل فيا ولا بيبعتلي عليه حاجه إلا نادراً دا وانا حية اومال لما اموت بقى اكيد هيموت هو كمان


اديت الباس وورد بتاعك لحد قبل كدا؟
اه بسمة صلاح اختي.. عارفه باس ووردات ايميلاتي كلها واللوك كود بتاع موبايلي كمان كل حاجه يعني..
السفر بالنسبة ليك..؟
بحب السفر أوي بردو لما بنكون رايحين مكة والمدينة طبعا
وكمان بيكون مغامرة جميلة جدا جدا خاصة إذا كان مع صاحبتي حبيبتي فطومة واحنا رايحين مصر مع بعض
جربت السفر بري وبحري نفسي أسافر جوي مسافرتش بالطيارة غير مرة واحدة وأنا عندي 3 سنين ومش فاكراها أصلاً
المود بتاعك؟
الحمد لله مزاجي حاليا عادي بس مدايقة ومخنوقة من المدرسة وكمان نفسي ننزل مصر بقى زهقت.. امتى تيجي الأجازة؟؟


بتعمل إيه في وقت فراغك؟
وقت فراغي دا طبعا لما بكون خلصت كل اللي عليا من عبادات وأعمال منزلية ومدرسية
بقعد عاللاب توب أو ممكن ألعب في الموبايل بتاعي أو بقعد أقرا في مجلات



الأكلة المفضلة؟
الكنتاكي (البروست) والفراخ بصفة عامة
ورق عنب والملوخية الطبيعية (الخضرة يعني بس طبيعية دا خاص بيا أنا) والفتة
والمكرونة البيشاميل وحاجات تاني بس دول أكتر حاجة
اه والشوكولاتة (الماكنتوش والجالكسي والتويكس والانواع الفاخر فاخر)


الصفات التي ورثتها عن والدك؟
ورثت من بابا حبيبي الإيثار والقناعة والكرم وفصيلة دمي زيه والطيبة الزيادة عن اللزوم


الصفات التي ورثتها عن والدتك؟
أنا ورثت من مامي حياتي شكلي يدي عليها وعلى تيتة (يعني عسولة) ههههههه ثقة
الهدوء والإنطوائية شوية وفي حاجات حلوة كتير في ماما بس أنا للأسف مورثتهاش

اكتر ست حاجات بتكرهها؟
الكذب.. النفاق.. التنطيش بكره اني أكون بتكلم وحد يطنشني أويسكتني بكرهها جدا جدا..
الناس المصلحجية.. الظلم.. مبحبش حد يقول عني أنانية ولا ندلة وبزعل جدا من اللي بيقولي كدا لاني أساسا بكره الصفتين دول جدا.. وفي حاجات تاني بس دول بكرههم أوي
اه في حاجة زيادة غلاسة أخويا محمد.. ربنا يغيتني.. والمدرسة ..
اه اه ونسيت أهم حاجة المواعين..ههههههههههه

اكتر ست حاجات بتحبها؟
السؤال طالب (حاجات) مش (أشخاص) فعشان كدا مش هقول أشخاص
الصلاة والقرآن.. (أنا حافظاه كله بس ربنا يقدرني وأقدر أراجعه بعد مانسيته الحكاية دي مزعلاني أوي أوي) _ الخط..( اللي هو يعني اني أكتب لأن الحمد لله عندي موهبة خطي حلو) _القمر والليل والبحر والمطر_ الكمبيوتر والنت وموبايلي_وبلدنا في الأرياف اللي هي بلد بابا (منقطين) بحبها مووووووووووت _ ومدونتي طبعا

شخصيتك نوعها إيه؟


مرحة جدا الحمد لله متفائلة بالحياة عندي أمل وبريئة بس مترددة كتير في اتخاذ قراراتي ومش واثقة في نفسي وطيبة عالآآآآآآآآآآآآآآآآآآآآآآآآآآآآآآآآآآآخر وكتومة مش كل حاجة بحكيها وحساسة جدا جدا أي حاجه ممكن تجرحني أحيانا بكتم جوا نفسي وأعيط بعدين وأحيانا مقدرش دمعتي تنزل على طول .. مبحبش شخصيتي أبدا

لماذا دخلت عالم التدوين؟
لما بسمة أختي عمبت مدونة لقيته موضوع لذيذ عملت زيها

أجمل كلمة اتقالتلك في وصف مدونتك؟
"مدونتك رائعة حبيبتي"و"مدونتك جامدة وشديدة" وكلام كتير اتقالي في التعليقات بس مش فاكراه


أهمية التعليق بالنسبة ليك؟
أولا إني بحس إن كتاباتي فاشلة بحسه بيديني أمل
وبستفيد منه لو فيه نقد على حاجة في كتابتي وبفرح بيه أوي

أحسن بوست كتبته؟ وضع اللينك؟
بوست "أنتِ أنا" اللي كنت كاتباه لأختي بسومة حبيبتي:
http://shosho2022.blogspot.com/2009/01/blog-post_23.html

وبوست "يوما ما":
http://shosho2022.blogspot.com/2009/01/blog-post_18.html
كتبته عن تسيبي ليفني حاساه عبيط وبريء كدا

وبوست "صحون وياسمين" الاخير مش محتاج أحط اللينك

أفضل بوست قرأته وأفضل مدونة؟


كل اللي بزورهم بوستاتهم ومدوناتهم جميلة وممتعة جدا ولذيذة ومتنوعة مابين مرح وجد يعني
بحب مدونة (المعتصم_ ومحمد غالية_ وريمان_كيارا_ وزينب_ وادم المصري_فكرة من الزمن دا_جودي_smily rose_مهندس علي درويش_الشاعر الحزين_وردة_كاتب مصري اللي عمل مجلة ومبيزورناش ومبقيناش من مستواه خلاص_ eyad _إسلام ديو_ مصعب صلاح _سارة_موني الشريف_انتحاري_وبسومة أنور طبعا حبيبة قلبي دي_وإيمان روحي اللي بقى عندها مناعة من غلاستي خلاص_وبسمة صلاح أختي وحياتي ودنيتي كلها) وكل الناس اللي بيزوروني وبرزورهم واللي نسيت أقول اسمه ميزعلش مني لاني نسيت مش بالقصد يعني

الانترنت بالنسبة ليك إيه؟


السؤال دا مش هقدر أجاوب عليه لإن النت دا حاجة أكبر من إني أوصفها دا عالمي التاني اللي بغوص فيه وبحبه جداااااااااااااااا


تمرر التاج لمين؟؟
فكرة من الزمن دا
وردة
انتحاري
ياريت يقبلوه مني إذا مكانش جالهم قبل كدا

بس طولت عليكو خااااااااااااالص اللي قدر يوصل للجملة دي يبقى يكتبهالي في التعليق بتاعه عشان أعرف بس مين اللي باله طويل ومين اللي قال عني رغاية
اللي مش هيكتبها هعرف انه مقراش البوست كله وإنه بيستعبط عليا
♥ ♥ ♥ ♥ ♥ ♥