كل سنه وانتي طيبه ياملاكي

انا ايمان روحي صاحبة مدونة ليت الزمن يرجع والرجع انا وياه

http://leetalzamanyarg3.blogspot.com/

سوري ياجماعه حبيت اقول لشيمه حببتي كل سنه وانتي طيبه

هتقولو طب ليه مقلتش في مدونتها انا كنت هعملها في مدونتي بس مدونتي بايزه شويه

ههههههههههههه

كل سنه وانتي طيبه ياملاكي

كل سنه واحنا بنحبك وبنهواكي

شيمو لو كنتي فاكره اني نسيت يوم ميلادك مع مشاغلي ده مستحييييييييييييييل

لاني كنت بجهز لهاد اليوم من فتره

ويارب الحفله تكون عجبتك والمفاجئه تكون بسطتك

مع خالص حبي

وانشاء الله نفتكر بعض دايما

تحيــــــــاتي

emmy_mony

عاشقة القمر

..~*وتركــت قلــبي هنـــاك*~..

..~*وتــــركت قـلـــــــبي هنـــــــــــاك*~..

تركت روحي..
تركت نبضي..
تركت قلبي هناك..

****
كم اشتاقك يا نصفي الآخر..
كم احن لرؤية وجهك المشرق الجميل الذي يبعث في نفسي الأمل والسرور..
كم تشتاق نفسي لحديث نفسك..

****

يمر عليَّ كل يوم بعدكِ وكأنه أعوام..
في الصباح... توقظني أمي وحدي.. دون أن اسمع تذمرك عن القيام إلى المدرسة... ارتدي ثوبي ثم أمشط شعري ولا أجد من يقول لي كيف تبدو هيأتي...
على من سأركض في المدرسة بين كل حصة لأخبره ماذا حدث معي من مشاكسات مع المعلمات..
من الذي سألقي عليه قبلة طائره كلما رأيته فيبادلني بمثلها..
من الذي سأشكو إليه همومي فيأخذني في حضنه ويهدئني فأشعر بالراحة..
من ومن و من .....

حبيبتي أشتاق إليك حقاً..

****
مضى على فراقنا أسبوعان.. لكن الله وحده يعلم كم تألمت فيهما لفراقك.. وكيف ستألم في الأيام المقبلة..
حتى الآن لم أتقبل فكرة انك لست معي.. يهيأ لي أنك في غرفة أخرى غير التي أجلس فيها..
صعدت إلى سطح منزلنا فرأيت ما كتبته على جدرانه... أحسست بطعنة في قلبي ثم أجهشت بالبكاء..
نظرت إلى السماء وسحبها تذكرتك عندما كنت تستلقين على الأرض غير مبالية بما عليها من أتربه كان همك فقط أن تسبحي بخاطرك في جمال السماء وسحبها مناجية الرحمن... كم كنت أضحك عليك عندما تقولين لي

"أحس بأني أكلم الله حقـــاً"

التفت برأسي لأجد أمامي الشجرة التي لطالما أحببت منظر غروب الشمس بين أغصانها فيؤلمني قلبي كثيراً..

********

لا أعرف ماذا اكتب يعبر عن شعوري بفقدك...
لا أجد ما أقوله سوى أني أحبك واشتاق إليك كثيراً..

*فأنتِ يا بسمتي قلبــي الذي تركـــته هنـــــاك*

وحشتوووووووووووني

السلام عليكم ورحمة الله وبركاته

ازيكو ياجماعه وحشتوني موووووووووووووووووووووووووووووت والله

والمدونه كمان وحشتني تعليقاتكم ليا وتعليقاتي ليكم كل كل حاجه في عالم التدوين وحشتني اوي

انا بقالي فتره غايبه بس غصب عني الظروف هنا في مصر مش مخلياني فاضيه للمدونه خالص كلها يومين بإذن الله

وهرجع السعوديه

وهتابع المدونه ان شاء الله

انا بس حبيت اسلم عليكو واعمل اي نشاط في المدونه عشان متتنسيش لحد ما أرجع بإذن الله

وكــــــــل سنه وانتو طيبين (:

انا مكيتش (:

بخ بخ بخ بخ

انا كييييييييييييييييييت

ازيكوا يابشريه تعبانه عاملين ايه واحشني والله واكيد اكيد مليون في الميه انا وحشتكوا

نتكلم في المفيد بقى كفايه تفاهه

احنا الحمد لله وصلنا مصر بالسلامه يوم السبت مش اللي فات ده لا اللي قبله

بس طبعا مقدرتش احط بوست ولاحاجه لانه احنا اساسا لسا مجيبناش DSL بس انا بقى مقدرتش اصبر اكتر من كده

فشبكت النت من التليفون الارضي

بس بقى مفيش حاجه تاني اقولها دلوقتي لما اجيب النت ان شاء الله ابقى انزل بوست عدل ده بس كان حاجه عالخفيف كده

ويشكركم كلكم على اهتمامكم (:

أنا كاااااااااااااااايه مصر ياكدعاااااااااااااااان

انا كاااااااااااااااااااايه مصر ياكدعااااااااااااااااااااان
اخيراااااااااااااا اخيرااااااااااا اتحقق حلمي
بقالي سنه (سنه بحالها) بستنى اليوم ده
بجد هطير من الفرحه
أنا اساسا مش مصدقه ان انا جهزت شنطتي عشان مسافره مصر....
هشوف اهلي وناسي وحبايبي ان شاء الله...
يارب وصلنا بالسلامه يارب وخيلها سفريه سهله

احنا السنه اللي فاتت مشينا من بيتنا هنا كان يوم سبت الساعه 8 الصبح وصلنا بيتنا في مصر يوم التلات العصر
اتبهدلنا السنه اللي فاتت في السفر كانت العبارات زحمه وقعدنا 3 ايام او يومين ونص تقريبا في الشارع وحر وقرف بس يارب سهل علينا السنه دي ووصلنا بالسلامه....
بيبقى شعور لايوصف بقى لما نوصل خلاص اول البلد بتاعتنا بكون صابره طووووووووووول السنه وطووووووووووول السكه ومببقاش قادره اصبر الشارعين اللي هنعديهم ونوصل شارعنا
اول ما نوصل بقى بنعمل هجووووووووووووووووووووووووم على شقة تيته بنبقى كإننا سباااااق خيوووووول عالسلم
بجد خلاااااص مش قادره أصدق نفسي من الفرحه فرحااااااااااااااااااااااااااااااااااااااااااااااااااااااااااااااااااااانه مووووووووووووووووووووووووووووووووووووووووت>>بس بقى مش عايزه انق

وكمان الاجازه د يهتكون مميزه لاني هصوم نص رمضان ان شاء الله في مصرر اول مره فحياتي اصوم في مصر.... انا حضرت رمضان تلت مرات بس في مصر وانا عندي سنه وسنتين وتلت سنين وبعدين جيت هنا فميعتبرش اني حضرته اساسا لاني بش فاطره حاجه خالث مالث

وكمان اللي مخلي السفر حلو اني صاحبتي توأم روحي فطووومه حبيب قلبي معانا.... بيبقى السفر معاها غير شكل<< سعودي دي
بيبقى مغامرااااات بمعنى الكلمه

وكمان صاحبتي سمووووره الاموووره هتوحشني كامد كامد
-----------------------
بس اللي مزعلني بقى ومدايقني موووت اننا هنسيب رنيوتي حبيبتي مش هقول مش عارفه هنشوفها تاني ولا لاء انا عندي امل كبير باذن الله اننا هنتقابل تاني اللي حابب يعرف عن رنيوتي يدخل مدونتها هيا لسا عاملاها جديد يوم الاحد اللي فات ده فسدناها انا وبسمه ههههههههههههه ده لينك مدونتها القطقوطه

خنـــــقة قطقوطــــــــــــه

وكمان موني (ايمان روحي) الله اعلم هنرجع نلاقيها هنا ولا مشيت على فلسطين... ربنا ييسرلهم حالهم مقلوب
بجد هتوحشني موووووووووووووت
نفسي ربنا يحققلها اللي هيا عايزاه هي وبسمه ان هما الاتنين يدرسوا الكليه واسمن هههه لا بجد هما نفسهم يدرسوا مع بعض في الكليه ويكونوا في القاهره مع رانيا... وانا اقعد هنا لوحدي اغني ظلمووووووووووووه

يلا بقى كفايه رغي خليني الوح اثوف ثغلي واناملي ثويه
احنا ماثيين بكله العثر ان شاء الله
ادعولنا نوصل بالسلاااااااااااااااااامه

اه صحيح.... الحاله اللي انا كنت فيها الحمد لله راااااااااااااااحت وبلا عوده بإذن الله.. وبشكر كل اللي جم سألوا عني ربنا يخليكوا ليا وميحرمنيش منكم ابدا ابدا... ويارب كل واااحد مخنوووووووق يفرفش كده

ويلا بقى تقعدوا بالعافيه... تقعدوا بالذوق..... المهم تقعدوا

في الأخر اسيبكوا مع شوية صور صورتهم السفريه اللي فاتت هما مش كتار ومش واضحين لان الموبايل اللي كان معايا مكنتش كاميرته حلوه اوي... بس المره دي موبايلي كلميرته حلوه الحمد لله هصور صور حلوه وابقى اوريهالكوم


دي نويبع صورتها من سطح العباره كنا خلاص وصلنا وهنوقف في المينا

7

7

7

ودي بقى العقبه الي هيا مينا الاردن... لان احنا بننزل عن طريق الاردن

7

7

7

وده مسجد في الاردن بردو بلد اسمها العمري بنعمل فيها شوية اجراءات كده مالهاش لزمه ترفع الضغط

بس المسجد ليا في انا وبسمه وفاطمه مغااامرات... بابايا يقولنا اطلعوا صلوا بس متأخروش عشان نمشي واحنا بقى نطلع نصلي ونفرد ونااااااااااااخد راحة راحتنا.. وبعدها ناااااااااااخد تهزيأه من بابايا يروح ابو فاطره يقوله (سيبهم يامولانا دول شباب يامولانا)>>> بابايا دايما يقول لابو فاطمه ياسيدنا وابو فاطمه يقول لبابايا يامولانا واحنا نتريأ عليهم ههههههه

7

7

7

ودي بقى سنطتي وهي مفتوحه

7

7

7

وهي مقفووووله

وبس بقى كفايه رغي حنكي وجعني هع هع هع

حالة مستعصيه..

لا أعرف ما أصابني.. منذ حوالي شهر ونصف أو أكثر وأنا اعصر رأسي كي أكتب حرفاً ولم أستطع .. لا أعرف لماذا؟؟
الكتابة.. عجزت عنها وسكت..
لكن عندما تشعر أنك فقدت الإحساس.... ماذا يحل بك؟؟
أنا اشعر بهذا الآن.. أشعر أنني لا أحس.. نعم لا أحس.. مرّت بي بعض الحادثات التي تكاد تفلق الحجر ولكني لم أتأثر كثيراً
يا الله... أكاد حقاً أجن..
لا أستطيع المواصلة أكثر... تعبت ومللت وصبرت حتى عجز الصبر عن صبري...
هل فهم أحدكم شيئاً؟؟ لا.. ولن يفهم أحد... لأنني أنا أيضاً لم أفهم..
أعتذر عن هذه الفوضى ولكن أردت أن أكتب تلك الكلمات.. علّي أخرج قليلاً مما في داخلي..
إلى اللقـــــاء..
وأسألكم الدعاء لي بأن أخرج من هذه الحالة المستعصية...

ونجحنا والله ونجحنا بالنتيجه وزعلنا..

ونجحنا والله ونجحنا بالنتيجه وزعلنا..ز وطينا الراس ومش عارفه إيه...؟؟
هئ هئ هئ

دي كانت أنشوده على قناة طيور الجنه بس أنا طبعا حرفتها بمزاجي هئ هئ هئ هئ

انا اخدت النتيجه ومضطره أقولها لإني وعدتكم.. هي مش وحشه أوي الحمد لله بس يعني اللي دايقني أن مش هو ده

مستوايا الحقيقي وغير كده الامتحانات كانت تافهه كنت فاكره نفسي أعلى من كده.. بس يلا الحمد لله على كل حال

نسبتي 98.63%

يلا السنه دي مش مهمه أوي

المهم السنه الجايه هكون في ثانويه عاميه بقى إن شاء الله..

أنا دلوقتي بكتب البوست ده من البلد اللي سافرناها عشان امتحان القدرات بتاع بسومه.. وهي لسا من شويه ماشية

عالكليه اللي هتمتحنه فيها ربنا يوفقها ويسهل عليها يااااااااارب... هي مرعوبه أوي.. أي حد يدخل البوست دلوقتي

يدعيلها امانه عليكوا لانه بيتحسب عالامتحان ده 30% من النسبه الحقيقيه اللي هي جايباها فربنا معاها بقى..

يلا مطولش عليكوا في الكلام.. أنا بس كنت قاعده لوحدي في الشقه زهقانه قلت أنزل البوست اقولكوا عالنتيجه بتاعتي وأقولكوا تدعوا لبسومه...

سلااام

صور من مصر قديمه ونااادره

صوره رقم -1-




صورة كانت تتكرر صباح كل يوم .. ومازالت تتكرر حتى الآن ولكن بطرق مختلفةحيث يقف أحد البائعين صباحاً وأمامه عربة وبها الفطار ويتجمع حوله العمال لتناول الفطار قبل الذهاب للعملطبعاً هذا المنظر في الأماكن الشعبية .. ولطبقة معينة من الناسوالبائع يختار بذكاء المكان الذي يقف فيه .. وغالباً ما يكون بجانب أحد المصانع .. أو بالقرب من أي مبنى حكومي .. حتى يحظى بأكبر عدد من الناسوفي الصورة السابقة نجد البائع وأمامه الخبز وأطباق عديدة .. استطعت تمييز عدة أطباق وهي ( طعمية + باذنجان مقلي + سلطة + فول ) والزجاجات هي لإضافة الشطة والزيت.

-----------

صوره -2-


مؤذن فوق أحد مآذن مساجد القاهرة القديمة كل ما في الصورة السابقة مازال موجوداً طبق الأصل .. القلعة من بعيد وبعض المساجد الأخرى .. وما بينهما عبارة عن مقابر المماليك كان المؤذن يصعد أعلى المئذنة ويؤذن بدون مايكروفونات.

-----------

صوره -3-

صورة نادرة لمومياء فرعونالمومياء الآن موجودة في المتحف المصري .. ويمكن للجميع مشاهدتها وهي داخل تابوتولكن هذه الصورة التقطت أثناء نقل المومياء وكانت وقتها مكشوفة تماماًقال الله تعالى : ( فاليوم نُنجّيك ببدنك لتكونَ لمن خلفك آية ) وبالفعل مازالت محتفظة بكل تفاصيلها .. حتى الشعر ، ومن أصدق من الله قيلاًكانت هذه المومياء سبباً في إسلام الدكتور الفرنسي ( موريس بوكاي ) الذي أشرف على عملية تنظيف المومياء .. حيث لاحظ وجود أملاح على المومياء من أثر ماء البحر الذي غرق فيه فرعون.

------------

صوره -4-

كوبري قصر النيل عام 1905 ، ووقتها كان اسمه كوبري الخديوي إسماعيل الكوبري تم بناؤه ليربط بين ميدان التحرير وبين الضفة الثانية من النيل والتي كانت أراضي زراعية والهدف من هذا الربط هو أن ينقل عليه المزارعين محصولهم ويبيعوه في الأسواق بدلاً من أن ينقلوه بالقوارب في النيلنلاحظ أشجار النخيل في خلفية الصورة السابقة .. بعكس الآن التي أصبحت هذه المنطقة ممتلئه بالفنادق الراقية انظروا للصورة مرة أخرى وستجدوا الأسدين من بعيد.

-----------

صوره -5-

صورة المزارعين وهم يستعدون للمرور من على كوبري قصر النيل والإنتقال من ضفة إلى ضفة أخرىحيث كان الإنتقال وقتها مقابل قرشين .. وكان يتم إعفاء الأطفال دون الـ 6 سنوات.

-----------

صوره -6-

جزء من الآثار الفرعونية في أسوان وهي غارقةقبل بناء السد العالي كان كل عام يأتي الفيضان ويهدم القرى ويغرق المنازل ويدمر الأراضي الزراعية ، لذا كان التفكير في بناء السد العاليوالصورة السابقة تم تصويرها أثناء الفيضان.

----------

صوره -7-

وسيلة الإنتقال الفارهة ..ما ترونه الآن كأنها مرسيدس آخر موديل في وقتنا فلن يركبوا على ظهر الجمل .. وإنما في حجرة معتدلة .. وتغطيهم من الشمسأكيد وقتها كان الكل يتمنى تجربة هذه الفخامة كانت هذه هي الطريقة التي تنتقل فيها العروسة إلى بيت زوجها ، ويتم تزيين الجمل كما نزين السيارات هذه الأيامالحجرة التي على الجمل هى تسمى "الهودج" مزخرفة بشكل جميل ومصنوعة بما يسمى اليوم ( أرابيسك ).

----------

صوره -8-

مجمع غفير من المصلين بعد صلاة الجمعة في الجامع الأزهركان هذا المسجد ليس مجرد مسجداً للصلاة فقط .. وإنما كان له دوراً سياسياً كبيراً جداً فمعظم الثورات ضد الإنجليز كانت تقام منه بعد صلاة الجمعة ، وكان نابليون يذهب إلى شيخ الأزهر بدلاً من الحاكم كي يترك أثراً طيباً في نفوس الناستأملوا الناس في الصورة السابقة .. منهم من يرتدي بدلة وكأنه يعيش بيننا الآن .. والغالبية تلبس الزي الطبيعي وهو عباية وعلى الرأس طربوش وتلاحظوا وجوه من أفريقيا في الصورة .. فقد كانت تأتي للدراسة في الأزهر على نفقته .. ومازال الأزهر يقدم هذه الخدمة المجانية لمسلمي أفريقيا وشرق آسيا وأوروبا.

-----------

صوره -9-

خزان أسوان ..وهو السد الذي كان موجوداً قبل بناء السد العالي ، ووظيفته أنه يحجز مياه الفيضان للإستفادة منها في الري ، لكنه كان لا يحجزها لأكثر من سنة المهندسين الذين بنوا السد كانوا يستريحون في جزيرة بالقرب من أسوان اسمها جزيرة إلفنتين .. وهي الآن مزاراً سياحياً مهماًالصورة السابقة التقطت عام 1906.

----------

صوره -10-

بائع ألومينوم داخل أحد حواري مصر القديمةرغم أن الصورة منذ عام 1905 إلا أن الوجوه مألوفة .. وسبحان الله الإبتسامة عليهم منذ القدم وواضح طبعاً بأنهم كانوا وقتها في الشتاء.

----------

صوره -11-

منظر عام للدقي من إحدى البلكونات لا عمارات .. ولا زحمة .. ولا سيارات البيوت وقتها كانت كما ترونها .. عبارة عن فلل بحد أقصى 3 أدوار .. وكانت كل فيلا أمامها بعض الأشجار داخلة في ملكية الفيلاجزء كبير من هذه الفلل موجود حتى الآن وبالذات في مصر الجديدة والدقي وحلوان ..حيث كان يقيم فيها اليونانيون الذين أقاموا فترة كبيرة في مصر لقربهم منها.

-------------

صوره -12-

بائع البطاطا ..وهذا المشهد مازال موجوداً حتى الآن .. وبالذات على الكورنيش عربية وعليها فرن لشوي البطاطا ..

------------

صوره -13-

هذه الصورة تعود إلى عام 1922 وذلك عندما تم اكتشاف مقبرة توت عنخ آمون في الأقصروهي المقبرة الوحيدة التي وجدوها كاملة المجوهرات وممتلكات الملك اكتشفها أحد العلماء البريطانيين بتمويل من مليونير بريطاني كان من ضمن القلائل الذين يمتلكون سيارة في بريطانيا وما تشاهدوه في الصورة هو أحد العمال عندما كان ينقل الآثار من المقبرة لترحيلها إلى المتحف المصري بالقاهرةيمكن للجميع زيارة المقبرة في الأقصر .. وهي واحدة ضمن 62 مقبرة أخرى .

*********************************

اولا ازيكم وحشتوني موووووووووووت

بشكر كل اللي سألوا عني فترة غيابي بشكرهم بجد انهم افتكروني منسيونيش

انا خلصت امتحانات يوم التلات اللي فات

بس مكنتش ناويه انزل بوست غير لما تظهر النتيجه يوم الاتنين ان شاء الله عشان اقولها في البوست يعني بالمره

بس وانا قاعده اخدلي لفه في النت لقيت الموضوع ده وعجبني أوي أوي.. خاصة انه عن مصر القديمه.. اصلي بحب اشوفها بصراحه اعرف عنها لاني معرفش أي أي أي حاجه عن تاريخ مصر كإني مش مصريه خااااااااالص

في مصر دايما يحكوا عن ثورة مش عارفه ايه وكلام كده اقولهم يعني ايه ثوره يقولولي ثورة يوليو تقريبا بتيجي واحنا في مصر مش فاكره اوي بس تقريبا هي دي اقولهم ايه هي الثوره اساسا يقعدوا يضحكوا عليا ويوقولولي لاء انتي مش مصريه خالص

اقولهم انا اعرف بس تاريخ آل سعود اسمعهولكوا صم

بقيت سعوديه بحته خلاااااص

بس الحمد لله لسا محافظه على لهجتي المصريه لحد دلوقتي لسا مضاعتش مني ههههههه

مش هكتر في الكلام بس قلت انزل البوست تقروا وتستمتعوا بيه زي ما انا استمتعت لحد ما تظهر نتيجتي ان شاء الله واقولكوا عليها ادعولي تكون حلوه

وارجع اتابع المدونه من جديد تاااني

**********

ملحوظه: الموضوع ده منقول زي ماهو أي معلومات خاطئه فيه معرفش بصراحه لاني زي ماقلت مش عارفه حاجه عن تاريخ مصر فلو لقيتوا فيه حاجه غلط مش مسؤوليتي... تحيتي..

انا زحلااااانه

السلام عليكم ورحمة الله وبركاته

ليه بس كده؟؟

عملتلكوا ايه وحش أنا؟؟

مفيش سلام ولا كلام؟؟

طيب عدوا قولوا ازيك عامله ايه في امتحاناتك؟؟

كل شويه افتح اشوف حد قالي انتي فين مفيش... أقول يمكن حد عدا قال يخبطني دعوه... مفيش

بقى كده.. هي دي اخرة العشرة هئ هئ هئ هئ انا زحلاااااااااااااانه منكم كلكم

شوية عبط بقى اصلي انا خلاص دماغي بقت مهويه من المذاكره.. كل فيوزاتي بوم بوم بوم ضربت

قلت اجي اسوق الهبل هنا في مدونتي حبيبتي شويه

سلااااااااااااااام مشنكح

الامتحااااااااانات

السلام عليكم ورحمة الله وبركاته

أنــــا بعتذر عن انقطاعي عن المدونة الفترة اللي فاتت دي بس الواحد مش عارفه ماله عماله أعصر في نفوحي اني اكتب كلمه اطلع حرف واحد مش عارفه هئ هئ هئ هئ

بس باذن الله وعد مني لما اخلص الامتحانات هيكون في بوستات كتيرات خالث مالث لاني باذن هكتب عن فترة الاجازه اللي هنقعدها هنا قبل ماننزل مصر وهكتب كمان المغامرات الشيقه اللي بتحصل معانا في السفر وكمان هكتب عن الاجازه في مصر اللي بقالي سنه بحالها بستناها
يعني هغرق الدنيا بوستات

وطبعا انا هغيب شهر اسبوعين قبل الامتحانات واسبوعين الامتحانات مش هحكي عن طقوس امتحانتنا لان بسمه ماشاء الله عليها مخليتليش حاجه اقولها يعني كفت ووفت فهتوحشوني أوي أوي
وبعتذر بشده كمان عن تقصيري في زيارتكوا بس والله حالتي النفسية كانت زفت عالاخر ومازالت يعني الحمد لله
بس وعد مني اخلص الامتحانات دي وهتلاقوني منتشره في كل حته

يلا مش عايزه اكتر كلام بس دعواتكوا ليا بالتوفيق بقى..

أستودعكم الله الذي لاتضيع ودائعه..