http://leetalzamanyarg3.blogspot.com/
تركت روحي..
تركت نبضي..
تركت قلبي هناك..
كم اشتاقك يا نصفي الآخر..
كم احن لرؤية وجهك المشرق الجميل الذي يبعث في نفسي الأمل والسرور..
كم تشتاق نفسي لحديث نفسك..
****
في الصباح... توقظني أمي وحدي.. دون أن اسمع تذمرك عن القيام إلى المدرسة... ارتدي ثوبي ثم أمشط شعري ولا أجد من يقول لي كيف تبدو هيأتي...
على من سأركض في المدرسة بين كل حصة لأخبره ماذا حدث معي من مشاكسات مع المعلمات..
من الذي سألقي عليه قبلة طائره كلما رأيته فيبادلني بمثلها..
من الذي سأشكو إليه همومي فيأخذني في حضنه ويهدئني فأشعر بالراحة..
من ومن و من .....
حبيبتي أشتاق إليك حقاً..
****
مضى على فراقنا أسبوعان.. لكن الله وحده يعلم كم تألمت فيهما لفراقك.. وكيف ستألم في الأيام المقبلة..
حتى الآن لم أتقبل فكرة انك لست معي.. يهيأ لي أنك في غرفة أخرى غير التي أجلس فيها..
صعدت إلى سطح منزلنا فرأيت ما كتبته على جدرانه... أحسست بطعنة في قلبي ثم أجهشت بالبكاء..
نظرت إلى السماء وسحبها تذكرتك عندما كنت تستلقين على الأرض غير مبالية بما عليها من أتربه كان همك فقط أن تسبحي بخاطرك في جمال السماء وسحبها مناجية الرحمن... كم كنت أضحك عليك عندما تقولين لي
"أحس بأني أكلم الله حقـــاً"
لا أعرف ماذا اكتب يعبر عن شعوري بفقدك...
لا أجد ما أقوله سوى أني أحبك واشتاق إليك كثيراً..
انا كييييييييييييييييييت
ازيكوا يابشريه تعبانه عاملين ايه واحشني والله واكيد اكيد مليون في الميه انا وحشتكوا
احنا الحمد لله وصلنا مصر بالسلامه يوم السبت مش اللي فات ده لا اللي قبله
بس طبعا مقدرتش احط بوست ولاحاجه لانه احنا اساسا لسا مجيبناش DSL بس انا بقى مقدرتش اصبر اكتر من كده
بس بقى مفيش حاجه تاني اقولها دلوقتي لما اجيب النت ان شاء الله ابقى انزل بوست عدل ده بس كان حاجه عالخفيف كده
ويشكركم كلكم على اهتمامكم (:
انا كاااااااااااااااااااايه مصر ياكدعااااااااااااااااااااان
اخيراااااااااااااا اخيرااااااااااا اتحقق حلمي
بقالي سنه (سنه بحالها) بستنى اليوم ده
بجد هطير من الفرحه
أنا اساسا مش مصدقه ان انا جهزت شنطتي عشان مسافره مصر....
هشوف اهلي وناسي وحبايبي ان شاء الله...
يارب وصلنا بالسلامه يارب وخيلها سفريه سهله
احنا السنه اللي فاتت مشينا من بيتنا هنا كان يوم سبت الساعه 8 الصبح وصلنا بيتنا في مصر يوم التلات العصر
اتبهدلنا السنه اللي فاتت في السفر كانت العبارات زحمه وقعدنا 3 ايام او يومين ونص تقريبا في الشارع وحر وقرف بس يارب سهل علينا السنه دي ووصلنا بالسلامه....
بيبقى شعور لايوصف بقى لما نوصل خلاص اول البلد بتاعتنا بكون صابره طووووووووووول السنه وطووووووووووول السكه ومببقاش قادره اصبر الشارعين اللي هنعديهم ونوصل شارعنا
اول ما نوصل بقى بنعمل هجووووووووووووووووووووووووم على شقة تيته بنبقى كإننا سباااااق خيوووووول عالسلم
بجد خلاااااص مش قادره أصدق نفسي من الفرحه فرحااااااااااااااااااااااااااااااااااااااااااااااااااااااااااااااااااااانه مووووووووووووووووووووووووووووووووووووووووت>>بس بقى مش عايزه انق
وكمان اللي مخلي السفر حلو اني صاحبتي توأم روحي فطووومه حبيب قلبي معانا.... بيبقى السفر معاها غير شكل<< سعودي دي
بيبقى مغامرااااات بمعنى الكلمه
-----------------------
بس اللي مزعلني بقى ومدايقني موووت اننا هنسيب رنيوتي حبيبتي مش هقول مش عارفه هنشوفها تاني ولا لاء انا عندي امل كبير باذن الله اننا هنتقابل تاني اللي حابب يعرف عن رنيوتي يدخل مدونتها هيا لسا عاملاها جديد يوم الاحد اللي فات ده فسدناها انا وبسمه ههههههههههههه ده لينك مدونتها القطقوطه
وكمان موني (ايمان روحي) الله اعلم هنرجع نلاقيها هنا ولا مشيت على فلسطين... ربنا ييسرلهم حالهم مقلوب
بجد هتوحشني موووووووووووووت
نفسي ربنا يحققلها اللي هيا عايزاه هي وبسمه ان هما الاتنين يدرسوا الكليه واسمن هههه لا بجد هما نفسهم يدرسوا مع بعض في الكليه ويكونوا في القاهره مع رانيا... وانا اقعد هنا لوحدي اغني ظلمووووووووووووه
احنا ماثيين بكله العثر ان شاء الله
ادعولنا نوصل بالسلاااااااااااااااااامه
اه صحيح.... الحاله اللي انا كنت فيها الحمد لله راااااااااااااااحت وبلا عوده بإذن الله.. وبشكر كل اللي جم سألوا عني ربنا يخليكوا ليا وميحرمنيش منكم ابدا ابدا... ويارب كل واااحد مخنوووووووق يفرفش كده
ويلا بقى تقعدوا بالعافيه... تقعدوا بالذوق..... المهم تقعدوا
في الأخر اسيبكوا مع شوية صور صورتهم السفريه اللي فاتت هما مش كتار ومش واضحين لان الموبايل اللي كان معايا مكنتش كاميرته حلوه اوي... بس المره دي موبايلي كلميرته حلوه الحمد لله هصور صور حلوه وابقى اوريهالكوم
دي نويبع صورتها من سطح العباره كنا خلاص وصلنا وهنوقف في المينا
وهي مقفووووله
وبس بقى كفايه رغي حنكي وجعني هع هع هع
الكتابة.. عجزت عنها وسكت..
لكن عندما تشعر أنك فقدت الإحساس.... ماذا يحل بك؟؟
أنا اشعر بهذا الآن.. أشعر أنني لا أحس.. نعم لا أحس.. مرّت بي بعض الحادثات التي تكاد تفلق الحجر ولكني لم أتأثر كثيراً
يا الله... أكاد حقاً أجن..
لا أستطيع المواصلة أكثر... تعبت ومللت وصبرت حتى عجز الصبر عن صبري...
هل فهم أحدكم شيئاً؟؟ لا.. ولن يفهم أحد... لأنني أنا أيضاً لم أفهم..
أعتذر عن هذه الفوضى ولكن أردت أن أكتب تلك الكلمات.. علّي أخرج قليلاً مما في داخلي..
إلى اللقـــــاء..
وأسألكم الدعاء لي بأن أخرج من هذه الحالة المستعصية...
هئ هئ هئ
يلا مطولش عليكوا في الكلام.. أنا بس كنت قاعده لوحدي في الشقه زهقانه قلت أنزل البوست اقولكوا عالنتيجه بتاعتي وأقولكوا تدعوا لبسومه...
صورة كانت تتكرر صباح كل يوم .. ومازالت تتكرر حتى الآن ولكن بطرق مختلفةحيث يقف أحد البائعين صباحاً وأمامه عربة وبها الفطار ويتجمع حوله العمال لتناول الفطار قبل الذهاب للعملطبعاً هذا المنظر في الأماكن الشعبية .. ولطبقة معينة من الناسوالبائع يختار بذكاء المكان الذي يقف فيه .. وغالباً ما يكون بجانب أحد المصانع .. أو بالقرب من أي مبنى حكومي .. حتى يحظى بأكبر عدد من الناسوفي الصورة السابقة نجد البائع وأمامه الخبز وأطباق عديدة .. استطعت تمييز عدة أطباق وهي ( طعمية + باذنجان مقلي + سلطة + فول ) والزجاجات هي لإضافة الشطة والزيت.
-----------
صوره -2-
مؤذن فوق أحد مآذن مساجد القاهرة القديمة كل ما في الصورة السابقة مازال موجوداً طبق الأصل .. القلعة من بعيد وبعض المساجد الأخرى .. وما بينهما عبارة عن مقابر المماليك كان المؤذن يصعد أعلى المئذنة ويؤذن بدون مايكروفونات.
-----------
صوره -3-
أنــــا بعتذر عن انقطاعي عن المدونة الفترة اللي فاتت دي بس الواحد مش عارفه ماله عماله أعصر في نفوحي اني اكتب كلمه اطلع حرف واحد مش عارفه هئ هئ هئ هئ
بس باذن الله وعد مني لما اخلص الامتحانات هيكون في بوستات كتيرات خالث مالث لاني باذن هكتب عن فترة الاجازه اللي هنقعدها هنا قبل ماننزل مصر وهكتب كمان المغامرات الشيقه اللي بتحصل معانا في السفر وكمان هكتب عن الاجازه في مصر اللي بقالي سنه بحالها بستناها
يعني هغرق الدنيا بوستات
وطبعا انا هغيب شهر اسبوعين قبل الامتحانات واسبوعين الامتحانات مش هحكي عن طقوس امتحانتنا لان بسمه ماشاء الله عليها مخليتليش حاجه اقولها يعني كفت ووفت فهتوحشوني أوي أوي
وبعتذر بشده كمان عن تقصيري في زيارتكوا بس والله حالتي النفسية كانت زفت عالاخر ومازالت يعني الحمد لله
بس وعد مني اخلص الامتحانات دي وهتلاقوني منتشره في كل حته
يلا مش عايزه اكتر كلام بس دعواتكوا ليا بالتوفيق بقى..
أستودعكم الله الذي لاتضيع ودائعه..
عندما تشعر أنك متعب نفسياً ولا تجد شيئاً يخفف تعبك.. فتبدأ بإنزال دمعات بسيطة ثم تبكي وتبكي إلى أن تحس بالراحة بعض الشيء.. تحمد الله على نعمة البـــــكاء... كم هي مريحة ورائعة تلك النعمة تخرج ما في أرواحنا دون أي تكاليف..
حينما يبتليك خالقك بمصاب أياً كان نوعه وتشعر أنه لا يوجد أحد في مثل همك ثم تنظر إلى من هو أشد ابتلاءً منك يهون عليك بلاءك
حينهـــا تحمد الله..
فسبحان الله أحمدك ربي على كل صغيرة وكبيرة أنعمت بها عليّ
كانت هذه حكايتي أنا وأختي الكبرى عندما سمعنا خبر وفاة خالتنا، كنت أنا أبلغ من العمر سبع سنوات وأختي تسع سنوات.
رحمك الله خالتي الحبيبة وجعل قبرك روضة من رياض الجنة وجمعنا بك في الفردوس مع النبيين والصديقين والشهداء.. اللهم آمين.
أمقتها.. حتى سيرتها.. أمقتها..
أمقتها.. وأمقت صوتهــــــــا..
أمقتها.. وأمقت رؤيتـــــــهـا..
عندما تأتي تهدم عليّ جميع لذاتي.. فأنا أسميها "هادمة اللذات ومفرقة الجماعات"..
نجلس معاً كأسرة واحدة فرحين مسرورين فتصدر أمي أمراً لأختي الكبرى ((بسمة)) بأن تأتي بها فيصيبني الغم والهم فأنها أكرهها بشدة ثم نقوم جميعاً من مجلسنا لأن أختي أتت بها..
عندما أكون نائمة تــــأتـــي بها أختي أيضــــاً فهي مكتوبة عليها فتوقظني بصوتها المزعج المقيت..
هـــــي ليست عندنا نحن فقط.. لا.. بل هي عند كل الناس لا يخلو بيت منها..
إنهـــــــا مكنستنا الكهربائية .. يا لا بشاعة صوتها.. أكرهه لدرجة لا أستطيع وصفها في كلمات..
اللهم ارحمني من هذا الصوت البغيض المقيت.. وارزقنا بمكنسة من غير صوت..
راودتني هذه الفكرة اليوم.. لأني كنت نائمة نومة رائعة فشغلت أختي المكنسة عند باب الغرفة فنهضت من سريري
فزعة قائلة: (( ياااااااااااااااااااربي.. بكــــــــــــــره المكنسة))
*********************
أنا وبابا بنكره المكنسة وصوتها كره العمى وياسلام بقى لما بابا يرجع بليل من الشغل تعبان تروح بسمة مشغلة المكنسة في المكان اللي هو قاعد فيه يروح شاخط فيها الشخطة من هنا تروح هي مختفية بالمكنسة من قدامنا من هنا
وبسمة بقى ايه بعيد عنكو مخلصة أوي في شغلها طول النهار ماسكة المكنسة ودايرة بيها في البيت عاملة زي عامل النظافة هههههههههههههههه واللي غايزني أوي وهيشلني أن بسمة بتحب المكنسة دي وبتموت فيها كمان بس بس خليني اسكت احسن تضربني..
ومعنــــاه.. ذات الأخلاق الحسنة.. والشيم الفضيلة..
اسم رائـــــع وصاحبته أروع..
ذات القلب الأبيض الطيب الذي لا يعرف الخبث والمكر..
ذات القلب الحنون الذي لا يعرف القسوة والحقد على أحد..
ذات النظرة الطيبة البريئة التي تحمل أسمى معاني الصدق والإخلاص..
التي لن تستطيع أحرفي وصف ما فيها من جمال وحب وصفـــاء
صديقتي الغالية كم أحبك وأحمل لكِ من مشاعر صادقة في قلبي..
نعــــم.. لم أركِ إلى الآن..
ولكن.. حتماً سيأتي اليوم الذي أراكِ وأجلس فيه معكِ حبيبتي..
وفجأة..
وأثناء تأملي العميق جاءت موجة فشقت صفحة البحر وأنا أتأملها
فقلت لها: ياموجة ياغلسة ليه شقيتي صفحة البحر وأنا بتأملها أنا زعلانة ووالله ما أنا متأملة حاجة عشان ترترتاحي..
وتشقي صفح زي ما انتي عايزة..
(( الخاطرة دي ألفتها السنة اللي فاتت كانت بسمة قاعدة تألف خاطرة وتقرالي فأنا ألفت دي اشمعنا أنا يعني ناقصة حاجة ألفتها وأنا نايمة عالسرير باليل وقعدت أتريق على بسمة وقتها مكانش ليا في موضوع الكتابة ولا الحاجات دي خالص))
أنا النهاردة كنت غايبة من المدرسة لأني كنت عيانة
فصحباتي حبايبي انتيمي منال وفاطمة "منال سعودية وفاطمة مصرية بس طبعاً مفيش فرق بينهم" ربنا يخليهم ليا يارب بعتولي ورقة مع بسمة كاتبينلي فيها كلام موتني من الضحك هوا هيكون عادي بالنسبة لأي حد يقراه بس بالنسبالي أنا مش عادي خالص لأنه طالع من قلبهم بجد
مقعدوش يزبطوا فيه ويختاروا كلام مثلا عشان تكون كخاطرة لأ هما كتبوه كإنهم بيكلموني..
(( بسم الله الرحمن الرحيم..
لا يجوز.. لا يجوز.. لا يجوز..
ياشوشو هانم "مدليه"
وجعه.. وجعه.. وجعه.. توجع عدوك
وتف... تف.. تف.. تفداك روحي
وإنشاء الله ماتكونين غايبة علشانك تعبانه ياروحي ياروحي (قلب)
وانشالله تموتين
تموتين تموتين تموتين تموتين
تموتين تموتين تموتين
فينــــــــــــــــا
ياشوشو لا تنسينا ياحبيبتي إحنا اخواتك وأصحابك وحبيبك>>> واثقات
وأختك فاطمه بتسلم عليكي من الصعيد الجواني
وأخوك محمد عايز يروح الجيش
وأمك عيانه >>>لا قدر الله A – F -M
وأخوك أحمد جنني يابت إشتغلي كويس وإرجعي للكَفْر ياحبيبتي اصلهم كلهم واحشينك صح يابنتب وماتنسيش اللي وصيناك عليهم يابت انتبهي على روحك من الناس الناس مبترحمش))
*********************
انتو هتقولوا البوست تافه مالهوش لزمة بس بالنسبالي أنا مهم وحطيته هنا لاني زي ماقلت قبل كدا المدونة بتاعتي دفتر مذكراتي ..
على فكرة "السنيورة" اللي بتعلقلي دي هي منال صاحبتي..
الشيماء صلاح
المشهورة بيه وسط اصحابك؟
شيما اللئيمه..(للأسف)
سنك؟
15سنة و 5 شهور و5 أيام.. (مميزة في كل حاجه ياناس)
اسم مدونتك؟
"شــــوشــــو هانـــــم"
مجال دراستك؟
أولى ثانوي
الصورة الرمزية لمدونتك بتعبر عن إيه؟
أنا بحبها أوي صورة الطفلة دي .. وحاساها بتعبر عن شخصيتي
هل فكرت في اغلاق مدونتك والسبب؟
اه فكرت.. كنت وقتها حاسة اني فاشلة ومبعرفش اكتب حاجه خالص وكنت مكتئبة
ايه ردة فعلك لو حد قل ادبه عليك في تعليق؟
لو التعليق قليل الأدب خالص مثلا في كلام مش محترم همسحه لاني محبش مدونتي يكون فيها حاجه مش كويسه
لو مثلا بشتمني وحاساه متغاز هرد عليه ببرود وهقوله الله يسامحك
اسوأ مدونة؟
مدونة "بسمتي" بتاعة بسمة أنور.. هههههههههههههههههههه
بغلس يابت بسمه متزعليش
مفيش ولا مدونة وحشة صادفتها لغاية دلوقتي الحمد لله
هيحصل ايه للإيميل بتاعك بعد ماتموت؟
أولا اللهم اجعل اخر كلامي في الدنيا "لا إله إلا الله"
إيميلي هيموت معايا لان عامة محدش بيسأل فيا ولا بيبعتلي عليه حاجه إلا نادراً دا وانا حية اومال لما اموت بقى اكيد هيموت هو كمان
اديت الباس وورد بتاعك لحد قبل كدا؟
اه بسمة صلاح اختي.. عارفه باس ووردات ايميلاتي كلها واللوك كود بتاع موبايلي كمان كل حاجه يعني..
السفر بالنسبة ليك..؟
بحب السفر أوي بردو لما بنكون رايحين مكة والمدينة طبعا
وكمان بيكون مغامرة جميلة جدا جدا خاصة إذا كان مع صاحبتي حبيبتي فطومة واحنا رايحين مصر مع بعض
جربت السفر بري وبحري نفسي أسافر جوي مسافرتش بالطيارة غير مرة واحدة وأنا عندي 3 سنين ومش فاكراها أصلاً
المود بتاعك؟
الحمد لله مزاجي حاليا عادي بس مدايقة ومخنوقة من المدرسة وكمان نفسي ننزل مصر بقى زهقت.. امتى تيجي الأجازة؟؟
بتعمل إيه في وقت فراغك؟
وقت فراغي دا طبعا لما بكون خلصت كل اللي عليا من عبادات وأعمال منزلية ومدرسية
بقعد عاللاب توب أو ممكن ألعب في الموبايل بتاعي أو بقعد أقرا في مجلات
الأكلة المفضلة؟
الكنتاكي (البروست) والفراخ بصفة عامة
ورق عنب والملوخية الطبيعية (الخضرة يعني بس طبيعية دا خاص بيا أنا) والفتة
والمكرونة البيشاميل وحاجات تاني بس دول أكتر حاجة
اه والشوكولاتة (الماكنتوش والجالكسي والتويكس والانواع الفاخر فاخر)
الصفات التي ورثتها عن والدك؟
ورثت من بابا حبيبي الإيثار والقناعة والكرم وفصيلة دمي زيه والطيبة الزيادة عن اللزوم
الصفات التي ورثتها عن والدتك؟
أنا ورثت من مامي حياتي شكلي يدي عليها وعلى تيتة (يعني عسولة) ههههههه ثقة
الهدوء والإنطوائية شوية وفي حاجات حلوة كتير في ماما بس أنا للأسف مورثتهاش
اكتر ست حاجات بتكرهها؟
الكذب.. النفاق.. التنطيش بكره اني أكون بتكلم وحد يطنشني أويسكتني بكرهها جدا جدا..
الناس المصلحجية.. الظلم.. مبحبش حد يقول عني أنانية ولا ندلة وبزعل جدا من اللي بيقولي كدا لاني أساسا بكره الصفتين دول جدا.. وفي حاجات تاني بس دول بكرههم أوي
اه في حاجة زيادة غلاسة أخويا محمد.. ربنا يغيتني.. والمدرسة ..
اه اه ونسيت أهم حاجة المواعين..ههههههههههه
اكتر ست حاجات بتحبها؟
السؤال طالب (حاجات) مش (أشخاص) فعشان كدا مش هقول أشخاص
الصلاة والقرآن.. (أنا حافظاه كله بس ربنا يقدرني وأقدر أراجعه بعد مانسيته الحكاية دي مزعلاني أوي أوي) _ الخط..( اللي هو يعني اني أكتب لأن الحمد لله عندي موهبة خطي حلو) _القمر والليل والبحر والمطر_ الكمبيوتر والنت وموبايلي_وبلدنا في الأرياف اللي هي بلد بابا (منقطين) بحبها مووووووووووت _ ومدونتي طبعا
شخصيتك نوعها إيه؟
مرحة جدا الحمد لله متفائلة بالحياة عندي أمل وبريئة بس مترددة كتير في اتخاذ قراراتي ومش واثقة في نفسي وطيبة عالآآآآآآآآآآآآآآآآآآآآآآآآآآآآآآآآآآآخر وكتومة مش كل حاجة بحكيها وحساسة جدا جدا أي حاجه ممكن تجرحني أحيانا بكتم جوا نفسي وأعيط بعدين وأحيانا مقدرش دمعتي تنزل على طول .. مبحبش شخصيتي أبدا
لماذا دخلت عالم التدوين؟
لما بسمة أختي عمبت مدونة لقيته موضوع لذيذ عملت زيها
أجمل كلمة اتقالتلك في وصف مدونتك؟
"مدونتك رائعة حبيبتي"و"مدونتك جامدة وشديدة" وكلام كتير اتقالي في التعليقات بس مش فاكراه
أهمية التعليق بالنسبة ليك؟
أولا إني بحس إن كتاباتي فاشلة بحسه بيديني أمل
وبستفيد منه لو فيه نقد على حاجة في كتابتي وبفرح بيه أوي
أحسن بوست كتبته؟ وضع اللينك؟
بوست "أنتِ أنا" اللي كنت كاتباه لأختي بسومة حبيبتي:
وبوست "يوما ما":
http://shosho2022.blogspot.com/2009/01/blog-post_18.html
كتبته عن تسيبي ليفني حاساه عبيط وبريء كدا
وبوست "صحون وياسمين" الاخير مش محتاج أحط اللينك
أفضل بوست قرأته وأفضل مدونة؟
كل اللي بزورهم بوستاتهم ومدوناتهم جميلة وممتعة جدا ولذيذة ومتنوعة مابين مرح وجد يعني
بحب مدونة (المعتصم_ ومحمد غالية_ وريمان_كيارا_ وزينب_ وادم المصري_فكرة من الزمن دا_جودي_smily rose_مهندس علي درويش_الشاعر الحزين_وردة_كاتب مصري اللي عمل مجلة ومبيزورناش ومبقيناش من مستواه خلاص_ eyad _إسلام ديو_ مصعب صلاح _سارة_موني الشريف_انتحاري_وبسومة أنور طبعا حبيبة قلبي دي_وإيمان روحي اللي بقى عندها مناعة من غلاستي خلاص_وبسمة صلاح أختي وحياتي ودنيتي كلها) وكل الناس اللي بيزوروني وبرزورهم واللي نسيت أقول اسمه ميزعلش مني لاني نسيت مش بالقصد يعني
الانترنت بالنسبة ليك إيه؟
السؤال دا مش هقدر أجاوب عليه لإن النت دا حاجة أكبر من إني أوصفها دا عالمي التاني اللي بغوص فيه وبحبه جداااااااااااااااا
تمرر التاج لمين؟؟
فكرة من الزمن دا
وردة
انتحاري
ياريت يقبلوه مني إذا مكانش جالهم قبل كدا
بس طولت عليكو خااااااااااااالص اللي قدر يوصل للجملة دي يبقى يكتبهالي في التعليق بتاعه عشان أعرف بس مين اللي باله طويل ومين اللي قال عني رغاية
اللي مش هيكتبها هعرف انه مقراش البوست كله وإنه بيستعبط عليا
♥ ♥ ♥ ♥ ♥ ♥ ♥ ♥ ♥ ♥ ♥ ♥